Grillplausch mit Beerpong

Am 08.05.2025 findet üsa alljöhriga Grillplausch statt! 🥳 Freuen eu uf a guats Calanda und paar feini Würst (mit Vegi-Varianta) bir Grillstell ar Chinawiesa. Natürlich alles uf üsera Nacka! ;)

Das Johr werdemer neb em Grillplausch für all dia Suufsportfründ*inna au es Beerpongturniar verastalta! 🏆 Melden eu in zweier Teams ah und sind kreativ ir Namensfindig! Es könnd natürlich au vor Ort no Teams bildet werda, falls einem spontan de Sportsgeist packt. Z Sieger*inna-Team wird natürlich au mit ama Priis krönt. 👑 Neb em Beerpong werdemer au Kubb und Kartaspieli abüta. Iahr könnd natürlich au gera selber Spiel mitneh :)

Miar freuen üs uf a sunniga und entspannta Grillplausch mit eu! 🌞 Melden eu doch ah!